Kum 70 thlai Pathen bi aka bi pon pastor pakhat lawng, “Mami tengah Pathen awm tite ka ming ngon de, Pathen on nuihcil thui haih tih khat on khat mikhai dan on ka vom thai nawh dawngah kawthe ngaihang caan ah Pathen awm tang kai aw ti he ka pok” tila athui. Thlanghingtah mah byng khaw sa thai nawh. Thlaang lawng thlaang van te a haat sak (Tahtuk 27:17). Mah tengkah aka awm thlaang pakhat van angla Pathen nok thai dengah Pathen tah mami tengah awm tite atak la ming thai ai. Zuca on thikat la khawsakna lawng kawtlyyp hingna avan khyn. Awm nok khawram on im ah awm dengah, cak nok buh an thawngtih bap dengah kawtlyypna dang. Ramh ti. Metihtiah, tethli tah mami kah hingna dawngah awm tih mami kah hingna khaw tethli dawngah awm. Zisu tah Immanuel Pathen. Diklai abot to mami tengah awm, ti (Matt 28:20). Amah tetah Pathen tengah mami dungzaan tola awm pon, ati ngaihna. Mah lawng Pathen phoih khaak dawngah nawh, Pathen amah lawng mami a phoih pon — tedawngah nih.
Thlaang lawng thlaang van te ahaat sak. Pathen lawng a cathli metitluk la ahaat sak ai! Pathen on pawlnengna awm popa dengah hingna haat ai (sading ngaimawngna dang ai). Pathen awl hutungna, thangthuina, pum im cehna thli he Pathen on pawl nenghaihna la awm. Telak ah, na hingna ah Pathen te zuca, paza theen angla na khyh tih na vom hih popa atah Pathen im ah na awm popa tite aciim la tare tare na ming ai. Pathen im na lungbui dawngah ngaimawng zoutheenna awm. Hallelujah!
Eternal Agora 