Aesop yaan cil dawngkah Metang lawng misur thaih theen tangkiik mai te a nai tih tumtui dolh ruila pet khing de a pha thai nawh. Kawboet oen, “thuuipalak la ni awm ai” ti tih a ceh tak, ti.
Thangthuina oen kawpoekrai thaihu saithaina thli aka awr thlaang pakhat lawng, khawhal sawkca thingthlip kah lungnu sawah ngawl heet tih, “Bawipa kai thlaangthawlh tuileh kap na hai ah ka ting nawh. Ka oengna he thaa van raa sak lah. He kah lungnu he a hawt ben ngaai la thoeih sak lah, nangtah aka hing Pathen tak tila ming thai na ham; ka thangthuina roeiri kung Pathen la na awm tite ka ming tare thai na ham – Jesu ming oen, amen!” tila buh yeh thangthuina thlemben roek ah akhueh poepa, ti. A rih hin toe a thaa huer khing de tekah lungnu tah a awmna ah awm toeng toeng. Kawboet oen, “a cuekca veng kalawng ka tangna roe nawh”, ti.
Bawipa … khuehtoen koeva oen sadingna boeih na kut dawngah awm. Tede, bawina oen sadingna lak ah nang kan lungna ngaai. Roepna oen paya laikoei yahawh khueh thaina (social capital) bal khaw na kut dawngah awm. Tede, tethli lak ah nang ka thintlawhna ngaai. Diklai yotheenna, aana oen mingtheenna thli khaw na kut dawngah awm. Tede, tethli lak ah – aw Bawipa … nang kan tuek. Nangtah kai hamla na theen tangkiik mah aw! Suen la ka awm thlan veng nan tuek roe poen (Jer 1:5).
Ning lawng Pathen tuek thlan ah, Pathen lawng ning tuek lamha!
Eternal Agora 