Mami khui kah Pathen Muithla Ciim lawng ning mawt poepa. Thaihu pahih hawna oen Pathen lawng ning mawt: Baibul ca oen Muithla awlding. “Thlawnna lumuek te muek u langtah Pathen Awl Muithla samsen te pawm u lah” (Efe 6:17).
Ciim Muithla lawng Baibul ca dawngah ning voem poepa. Muithla awlding yak na ngaih atah Baibul rel. Pathen kawngaih tah a Awl dawngah soep. Na tawng raina oen ngaihangna boeih ham hoeihna sii – Baibul dawngah awm oepsoeh poen. Tha lawhna mailai ham Baibul rel boel, hingpui thil ham khaw van rel lah. Baibul ca tlang khat coeng khat van rel langtah a thuingaihna te yakming lah.
Apabena ah, tetila Baibul awl yakming heet coengatah Muithla Awlding te na hingna ha oen hutung heet lah – Ciim Muithla awl na yak ai. Muithla awl tah cuihna voek mai thai, mang oen vision khaw mai thai. Baibul awltak oen aka kalh nawh poh cuihna, mang mangna oen vision huhna thli boeih tah Pathen amah tengkah poen nih. Ciim Muithla lawng ning voem poepa. Muithla ciim te na hingna mawt sak lah. A kawngaihna te tlap lah. Tecoengah a Awlding te hutung lah. Ringoel langtah Muithla Ciim oen voem hih lah. Cathutkung: Max Lucado
Eternal Agora 