Cuun la awm thlan veng kalawng thawlhna oen ng’be u roe. Teveng kalawng Pathen reenna ng’ngoe u roe poen. Mikpum lawng mikpum mawt thai nawh. Thlangthawlh lawng thawlhca mawt thai nawh. Mami lawng canau thli ng’tlang pe thai manawh – he lai khawyin thawlh tamna tim khui kalawng. Yeshua Khrih bueng mami tlangkung (redeemer) la awm.
Canau thli kah hailam buem pe rap thai nawh. Poek theenna rui-mal oen pin pe rap thai nawh. Tede Pathen awl oen ng’toel pe thai. A roeng hang veng thawlh yut u thai na ham ng’talawng takai pe thai la awm. Oekthloenna, lakuengna oen canauthli ng’roengsak tueng nawh. Im khaw pum-im van nih ti oen Pathen awltak yoeyah la cangpui pe lah. Baibul ca bueng rel ham nawh – hing pe thil a ngoe. Teatah a roeng u hang vengah Pathen a thangpawm u ai.
Namah bawilenna ham oh la Pathen bawilenna ham mah na cathli thuituen lah. Cathli lawng Pathen rih oen khawsak thai ham nih – college, university kah degree lawh doek tih tangka oen awmtheenna lawngpui vaisak doek ham nawh. Thlaang tah Pathen Awltak oen hing poepa a ngoe – buh bueng oen nawh.
“[canauthli te] Bawipa dawngah thuitynna tuukiikna on van roongsak u lah” (Efe 6:4).
Eternal Agora 