A yu lawng a ceh taak (duek) coengah C.S. Lewis lawng hetila a thut, “Vaan sang lawng soeprep boeih a thingkhoep angla kawtheena lawng ka hingna a van thingkhoep” ti. Kawtheena boet poen seh ng’ti u lii veng aka khum tangte nupa oen thintlo maya-manau thli kah kawnghu ruem huen mawl awlka laa sakna oen muithlip thli lawng lungnat tare tare avan peek. Aka khum poen yuva-canau ng’poek u lii veng yuva-canau tloe thli awmtheen oen yingyawina lawt lawt ng’huh u. Amah he ang raina lawng miku tuisak nawh, caak-awk kuun sak nawh, mah oen mah kai-awk tih aka duek awlthangthli ng’yak u veng — lungbui tlo tangkiik. Kawtheena tah tlawhnatna (yawka) nawh tede mevengah nuem tah tlawhnatna ang tlukla amah te lawng raina avan khuen.
Yeshua bueng lawng nih mami kah raina a yakming — mami kah khawtheena oen ngaihangna thli boeih. A paya Lazaru kah phuel tengah Yeshua rap de la koen ng’aw. Amah te lawng kawthee ngaihang (duek-hing) caan ah mikphi baw tih rap tueng paai tite Yeshua lawng a mikphi tui rangoen yakmingna mami ham a peek poen. Solomon sengpahrang lawng, “Nuihna lak ah kawthee he theen bet, kawthee mikhaai he thinkaw hamla theen” ti (Ekklesia 7:3). Kawtheena lawng ke hau atah — kaw thee u hawn sih. Mikphi bawna lawng ke hau atah — rap u mai hawn sih. Metitiah Pathen lawng mami kah kawthee-mikphi bawna thli boeih a ming — mami thloepthloei mueh la awm tang manawh. Pathen lawng aboet toe awmpui yoeya ai — Max Lucado cathut dawngkah
Eternal Agora 