Ka cuunna khaw ka paham Cuai Ni kah Kanawng ah ka camaw bawlung ka luem lii veng saya pakhat lawng, “Yeshu baiskuup (bioscope) bueh na ngaih u aw?” tila a ngaih thlang la paangawl ka yak. “Vuen thlemben ah Samin khaw kalawng thlangthli va pai u ai; hotu pa imtengkah talawng (Anglican pumim phungkak) ah Yeshua Baiskuup (Jesus’ Film Project) bueh hamla boeih na law u ai ne” tila amah te lawng te koep ati bal. Ka paya pakhat lawng biscope (bioscope) te ya vai nawh dawngah, saya na la, “Ka law atah atu na peek ai?” ati na. Saya lawng, “Na law atah a bokoek laksawng pakhat kan pe ai” ati na. Khat lawng, “A tu me ang?” ati na bal. “A ka law boeih thli ham laksawng a bokoek tah Yeshu baiskuup roep poen nih vuen ah na ming badai” ati na.
Khrih hu bang tih Khrihca la ng’awmna kah laksawng tah Yeshua amah roep poen nih. Tangka nawh, mingtheenna nawh, thlangkah hinyah peekna nawh, imlo oen mawtaw nawh, bawina nawh. Khrihca la awmna kah phu aka tingkoek thaihu ng’dang u tah “tethli” nawh nih — “Yeshua Khrih” amah roep poen nih. Yeshua Khrih tah mami oengcathli ham Pathen kah zotheenna kutdo-laksawng a bokoek la awm.
Eternal Agora 