Eternal Agora

Ka pha hyyn rok ah Khrih thlangbol awm atah, tuu thli lawng tuu-donkung atu la sak pe tlaih nawh ti he ko ko ka zak. Nawh atah, tuu-donkung thli lawng tuu thli peh peh atam pe. U.S kah Chin thlangbol khui ah amah he ang thaihu awm popa he — no problem. Problem la aka awm tah te kah problem te dip sak ham pok u nawh ro ro te nih — problem la awm. Tuu thli lawng tuu-doon kung on khawsak haih a ngaih u tlaih nawh. Huta lawng va sak arih sut tih, kaw aka tawng sarui tawngpa thli on thawlh sai hingna angla ni, a awm pon. Khrih thlangbol lawng pastor myh la khawsak a ngaih u bet caan pha pon. Zuva (marriage) la awmna kah thalrih phuih (burden) ngaih u tlaih nawh pon. Freedom kah saal la ng’awm u khong!

Baibul lawng, pastor saya theen kah awltak cangpuina lawng thlangbol arong sak, ti. Pathen awltak ben ah pastor thli kah cangpuina on aka cet heet nawh thlangbol tah “broken family” on anyt tah. Nu on pa khyh heet nawh dawngah khaw pam sut tih ngairung ngaira la khaw aka sa imkhui kaw on lou a hih, ti. “Tawngpa boih mawtkung la awm” tikah pokna thli he taksa ben “social organization” mailai ham ngon song de Khrih thlangbol hamla tah song nawh. Khatsut bal lawngtah Khrih thlangbol he democracy kah mawtna on ceh ham awm aka ti thli khaw tok tok awm. Khrih thlangbol tah democracy mawtna ham nawh. Democracy mawtna tah Khrih ham seh — ti ham awm pateng. Thlangbol ming (Khrih ming) on tangka coi (collection) thli he Pathen ram ham nih. Awltak cangpui kung pastor-on-elder thli vat thaina ham nih. Awlthang theen phawng thai tare ham nih. Thlangbol khui kah khawdeng patang imkhui kaw on raina aka tawng thli kah ngongaihna tawm pe ham nih. Cadah on haw-hai nu on nuham paham thli kah ngongaihna tawm pe kungla awm seh (Christian charities), ti. Pathen awltak on myh tah atlo atu on khaw Khrih thlangbol he rongsak thai la awm nawh — Baibul awltak.

Lungna on khaw sa-haihna boih boih — Bawipa lawng pawm nawh. Zaan ah lawkih la ng’awm u veng, sel-ui-awk-ai ramsa thii on zu kungah lamna on maza manau cakaw pahring lungna khat on khat ng’tyng sak u. Khatsut lawng he kah hing ryym lungna he Khrih hingthaina kah lungna lak ah bou sak u lat tih Khrih Zisu thangpawm tyng ah Mousi on Abraham te lat ah aka thangpawm Judah thli angla kop khaw aka sa thli awm. Khrih phung (New Testament) kalawng phung ryym (Old Testament) Lawkih phungla kop aka mel Galatia thlang ngau thli angla ni awm u pon. Baibul lawng “Thawlh zut u loih”, ti.

“Athaih bit ty khum pon tih,
khawhaal ty boih pon, mami tah
thlawn la ng’awm u nawh.
Ka thlaangthli neet la a awm u dawngah, kai khaw neet la ka awm;
Ka koou tih, rihna lawng rap n’tuuk.
Gilead ah thuutna ham thingpi awm nawh aw? Teah sibawi awm nawh aw? Tuah ka thlaangthli kah bongha tuuina a awm nawh kai?” — Jer 8:20-22