Khatsyt lawng thlangdyk thli he aka hing lii thli lak ah zahawh u ngai, ti. Aka hing lii thli he 8-billion hawm byng law tih aka dyk pon thlanghing he 100-billion hawm thlai law vok mai pon cawinih, ti. Tethli kah pokna song kawinih: thlaang 100 ah 92-hawm tah dyk u pon tih 8-hawm byng hing ti thai la awm. Tekah 8-hawm khui ah ning thum van dawgah, ningtah zoutheen tangkiik.
Tekah sawmkua thlai aka dyk pon thli ame la cet u kai? Baibul lawng metila ati? Baibul cathom John Frame lawng: dyk on pahoi Khrih ah thlangdoong kah muithla tah Khrih Jesu tengah apha, ti. Khrih Jesu ame la awm: Jesu Khrih tah Pa bentang ben ah ngawl dawngah Khrih Jesu awmna hyn tah vaan dawng ram nih. Khrih ah thlangdoong tah dyk on pahoi vaan ah apha, ti thai la awm. Khrih hingna aka khyh myh thlangthawlh thli kah muithla tah hell (hades) ah patang khang on awm u. Khrih hingna khyh on khyh myh thli kah lai pumtaksa (body) tah phyl (sheol) dawngah awm — amah teah Khrih apabe lawna khawhin to awm u ai. Apabe lawna khawhin ah thlangdyk thli te thou u vetih, Khrih hingna aka khyh thli lamha thou u kop ai. Awlcekna khawhin pui awm vetih thlawnte cathli tah Khrih kah doongna rangon Pathen thinsana kalawng loih u vetih vaandawng ram (vaan on diklai thai) apang u ai. Khrih hingna aka khyh myh thli lawng Pathen thinsana abot to (in full) azawk u vetih hell (hades) kalawng dungzaan hell (dungzaan hai tuili) ah pumraw on muithla (body and soul) thlak la awm ai. Tekah dungzaan hai tuili tah Jerusalem khawtlaak khawto ah aka awm bot tlaih ouh la zin-dai aka ung popa Gehenna hai (Hinnom kah hai) angla zin-dai dungzaan to ung popa nganbawh on patang khangna dungzaan hyn la awm.
Tetih van angla, Khrih ah thlangciim thli khaw pumraw on muithla (body and soul) asop cala vaan thai on diklai thai ah dungzaan to amah Pathen on zingzawi u vetih leng u hai pon ai. Pathen amah on khaw sa u haih pon ai. Amah hetah Khrih thlangbol kah ngaiyypna bou kok la awm.
Eternal Agora 
Leave a comment