ဘုရားနှင့်တရားသည် လက်တွေ့မကျ စိတ်ကူးသာဆန် ကိုးစားမရဆိုသူကို ဘုရားသခင် မစပေးခဲ့သည်။ တိုက်ဆိုင်မှုပါဟု အကြိမ်ကြိမ် သူယူဆမိခဲ့သော်လည်း၊ မိမိဆုတောင်းခဲ့သည်အတိုင်း သူကွက်တိအဖြေရသည်။ အလားတူအဖန်တလဲလဲဖြစ်သည်ကိုသူ၀န်မခံနိုင်ခဲ့ပါ။ မဆုံးသောမေတ္တာများနှင့်ထိုသူကို ဘုရားချစ်သည်။ ကတိတော်နှင့်စပ်ဆိုင်သော သူ့မေတ္တာ၊ ဒီနေ့ သူကျောခိုင်းလို့မရတော့ပါ။ ပေတရုကဲ့သို့ ခြေတော်ရင်းနားတိုး၀င်လျက် အပြစ်၀န်ချတောင်းပန်ရင်း ယေရှုကိုသူချီးမွမ်းလိုက်သည်။ “ငါထာ၀ရဘုရားသည် ခပ်သိမ်းသော သတ္တ၀ါတို့ကို အစိုးရသောဘုရားသခင်ဖြစ်၏။ ငါမတတ်နိုင်သော အရာ တစ်စုံတစ်ခုရှိလိမ့်မည်လော။” (ယေရမိ၊ ၃၂း၂၇)

ဆာတန်ကမူ သင့်အား အတိတ်၏ ကျရှုံးမှုဒဏ်ရာများနဲ့ လောင်ကျွမ်းစေလိုငှါးလည်း ခရစ်တော်သည် သင့်အားဖိတ်ခေါ်နေဆဲပင်။ ခရစ်တော်၏ ဘ၀သစ်ထဲ လျှောက်လာခဲ့ပါ။ “ခရစ်တော်၏အသွေးသည်၊သေခြင်းနှင့်စပ်ဆိုင်သော အကျင့်ကိုပယ်ရှင်း၍၊ သင်တို့သည် အသက်ရှင်တော်မူသောဘုရားသခင်ကို ၀တ်ပြုမည်အကြောင်း၊ သင်တို့ ၌ ကိုယ်ကို ကိုယ်သိသောစိတ်ကို စင်ကြယ်စေခြင်းငှါ၊သာ၍ တတ်နိုင်တော်မူသည် မဟုတ်လော။” (ဟေဗြဲ၊ ၉း၁၄)။ သပည့်တော်များ သခင်ကိုစွန့် ခွာထားခဲ့ကြသည်။ ကားတိုင်ပင် ခရစ်တော်တစ်ဦးတည်း အထီးကျန် သူထမ်းခဲ့ရသည်။ ဤအတိတ်ဆိုးမီးအား တပည့်တော်များ  အောင်စီးနင်းနိုင်ခဲ့ကြသည်။ သို့မဟုတ်လျှင် ခရစ်၀င်သတင်းကောင်းနှင့်သြ၀ါဒတရားများ ယနေ့ ဒို့တတွေ ဖတ်ရှုတရားနာနိုင်ကြမည်မဟုတ်ပါချေ။ အတိတ်ဆိုးအားမမှု၊ရှေ့ဆက်ခရီးနှင်သူများသာ ဧကန်ဘ၀ချမ်းသာရမည်။ သို့မဟုတ်လျှင်၊ သတင်းကောင်းများပျောက်ဆုံးပြီး သြ၀ါဒတရားများ ပျောက်ကွယ်သွားကြလိမ့်မည်။ ခေါင်းဆောင်ကောင်းများလည်း မပါ်မထွန်း၊ အနာဂတ်လူငယ်များသည်လည်း မပွင့်မဖွားဖြစ်မည်သာ။ ထာ၀ရဘုရားသခင့်ထံတော်ပါးသို့ အပြစ်၀န်ခံ၍ အမြန်လှမ်းလိုက်ပါ၊မိတ်ဆွေ – သင့်ဘ၀ချမ်းသာရမည်။ သတိနှင့်…